Tibb vasitələrinin dövlət qeydiyyatına alınması ilə əlaqəli MƏLUMAT

Tibb vasitələrinin dövlət qeydiyyatına alınması ilə əlaqəli MƏLUMAT

Bildiririk ki, “Dərman vasitələri haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 14 iyul tarixli 979-VIQD nömrəli Qanuna əsasən, I risk qrupuna aid tibb  vasitələri istisna olmaqla,  dövlət qeydiyyatına alınmadan tibb vasitələri idxal oluna bilməz.

“Dərman vasitələrinin, dərman maddələrinin və tibb vasitələrinin dövlət qeydiyyatına alınması, dövlət reyestrinə daxil edilməsi və dövlət reyestrinin aparılması Qaydaları”nın təsdiq edilməsi və “Dərman vasitələrinin dövlət qeydiyyatına alınması və reyestrinin aparılması Qaydaları”nın təsdiq edilməsi haqqında” Azərbaycan Respublikası Nazirlər Kabinetinin 2007-ci il 13 iyul tarixli 108 nömrəli Qərarının ləğv edilməsi barədə 19.07.2024-cü il tarixli qərar təsdiq olunub.

Bununla əlaqədar olaraq, tibb vasitələrinin idxalı (I risk sinfinə daxil olan tibb vasitələri istisna olmaqla) və tibb vasitəsi olub-olmaması ilə bağlı ekspertizası üçün “Analitik Ekspertiza Mərkəzi” publik hüquqi şəxsinə sənəd qəbulu 22.07.2024-cü il tarixindən müvəqqəti olaraq dayandırılır.

Bu qayda qüvvəyə mindiyi (təsdiq olunduğu) tarixdən etibarən şirkətlər tərəfindən təqdim olunmuş hesab faktura (invoice) və bank ödəmələrinin tarixləri həmin qaydanın təsdiqi tarixini keçməməlidir.

Misal: Qayda 19.07.2024 tarixində təsdiqlənibsə,  demək  hesab faktura və ya bank ödəmələri 19.07.2024 tarixinə qədər olan müraciətlər qəbul olunacaq.

Xahiş olunur, yeniliklərlə bağlı www.pharma.az rəsmi veb səhifəsini mütəmadi olaraq yoxlayasınız. Qüvvəyə minmiş sənədləri saytda yerləşdirilən linklərdən görə bilərsiniz.

https://e-qanun.az/framework/56982  Tibb vasitələrinin risk dərəcəsindən asılı olaraq təsnifatı

https://e-qanun.az/framework/56983  Risk dərəcəsi daha yüksək, yüksək və (və ya) orta olan tibb vasitələrinin siyahısının təsdiq edilməsi barədə

https://nk.gov.az/az/senedler/qerarlar/derman-vasitelerinin-derman-maddelerinin-ve-tibb-v-8191

Qeyd: 22.07.2024-cü il tarixinədək tibb vasitəsi olub-olmaması ilə bağlı ekspertizaya müraciət olunub, ödəniş olunmayan müraciətlərə xitam veriləcək.