Mob: +994777276006 
Şirkətdə biznesin inkişafının analizi, planlanması və hədəfləri
07.04.2025 tarixində Makromed MMC-nin əməkdaşları üçün “Şirkətdə biznesin inkişafının analizi, planlanması və hədəfləri” mövzusunda daxili təlim təşkil olundu. Təlimin məqsədi əməkdaşlara biznesin inkişafına dair strateji baxış qazandırmaq, planlama bacarıqlarını gücləndirmək və müəssisədaxili hədəflərin effektiv müəyyənləşdirilməsi üzrə bilikləri artırmaq idi.
Təlimdə yalnız Biznesin İnkişafı şöbəsinin əməkdaşları deyil, bu sahə ilə funksional əlaqəsi olan digər şöbələrin nümayəndələri də iştirak edərək geniş və faydalı müzakirələr aparmaq imkanı əldə etdilər.
Təlim materialları peşəkar şəkildə hazırlanmış, mövzular hərtərəfli şəkildə təqdim edilmiş və real iş nümunələri ilə zənginləşdirilmişdir. Təqdimat sadə və anlaşılan dildə qurulmuşdu, bu da bütün iştirakçıların prosesi rahat şəkildə izləməsinə və fəal iştirak etməsinə şərait yaratdı.
Sonda iştirakçılar təlimlə bağlı öz rəy və təkliflərini bölüşərək gələcəkdə keçiriləcək bu tip sessiyaların daha da effektiv və hədəf yönümlü olması üçün fikir mübadiləsi apardılar.