Səhiyyə Nazirliyi Analitik Ekspertiza Mərkəzinin əməkdaşları İmmunizasiyadan sonra arzuolunmaz halların müzakirəsində iştirak ediblər

Səhiyyə Nazirliyi Analitik Ekspertiza Mərkəzinin əməkdaşları İmmunizasiyadan sonra arzuolunmaz halların müzakirəsində iştirak ediblər

Ümümdünya Səhiyyə Təşkilatının (ÜST) təşəbbüsü ilə Bakıda 11-13 oktyabr 2023-cü il tarixində “İmmunizasiyadan sonra arzuolunmaz hallar (İSAH): epidemioloji müşahidə və səbəb-nəticənin qiymətləndirilməsində müasir yanaşmalar” adlı üç günlük seminar təşkil olunub.

Seminar peyvəndin təhlükəsizliyini artırmağa, ölkədaxili potensialı gücləndirməyə və immunizasiyadan sonra ciddi arzuolunmaz hallarla bağlı effektiv kommunikasiyanın təmin olunmasına əhəmiyyətli təsir göstərmək məqsədilə baş tutub.

Tədbirdə ÜST-in Avropa Ofisinin nümayəndələri – Oleq Benes və Yuriys Perevozçikovs ilə yanaşı, həmçinin onlayn formatda ABŞ, Gürcüstan və ÜST-nin Aropa Ofisinin digər ekspertləri də iştirak edib. Təbdirdə Səhiyyə Nazirliyi Analitik Ekspertiza Mərkəzini Farmakonəzarət şöbəsinin ekspertləri Xalisə Əkbərova və Rəfiqə İbrahimova təmsil edib. Seminarda səhiyyənin (haranın ad qeyri məlundur) müxtəlif qurumlarından 40-a yaxın mütəxəssis iştirak edib.

Azərbaycan, rus və ingilis dillərində yüksək səviyyədə təşkil olunan seminarda “Peyvənd təhlükəsizliyi monitorinqinin gücləndirilməsi: ÜST peyvənd təhlükəsizliyi planı 2.0 və 2030-cu ilə qədər immunlaşdırma gündəliyi”, “Məlumatların ötürülməsini və ÜST qlobal peyvənd təhlükəsizliyi məlumat bazasına girişi asanlaşdırmaq üçün alətlər: VigiMobile, VigiFlow; VigiLyze, VigiBase”, “Peyvənd təhlükəsizliyinin monitorinqi üçün normativ baza. ÜST-ün Qlobal Müqayisə Aləti (GBT)”, “Təhlükəsizlik məlumatlarının kodlaşdırılması və təhlili üçün MedDRA lüğəti”, “İSAH-ların səbəb-nəticə əlaqəsinin qiymətləndirilməsi”, “Əhaliyə peyvəndlərin təhlükəsizliyinə dair risklərin və peyvəndlərin faydaları haqqında məlumatların bildirilməsi” və s.  mövzularda təqdimatlar olub. Həmçinin Xalisə Əkbərova da AEM-in Farmakonəzarət sahəsində görülən işlər və əldə olunan nəticələri əks etdirən təqdimatla çıxış edib.

Seminarın sonuncu günündə fəaliyyət planı hazırlanıb və iştirakçılara seminar materialları təqdim edilib.