Makromed MMC “Vitafoods Europe 2025” sərgisində iştirak etdi

Makromed MMC olaraq 2025-ci ilin may ayında İspaniyanın Barselona şəhərində keçirilən “Vitafoods Europe 2025” beynəlxalq sərgisində iştirak etdik. Funksional qidalar, bioloji aktiv qida əlavələri və sağlamlıq texnologiyalarının təqdim olunduğu bu nüfuzlu tədbir, qlobal qida və sağlamlıq sənayesinin aparıcı nümayəndələrini bir araya gətirdi.

Makromed MMC sərgidə fəal şəkildə iştirak edərək sahə üzrə yenilikləri yaxından izlədi. Xüsusilə, bioloji aktiv qida əlavələrinin beynəlxalq qeydiyyat prosesi, tənzimləyici çərçivələr və innovativ məhsul inkişafı istiqamətində müzakirələr bizim üçün xüsusi maraq doğurdu. Sərgi zamanı müxtəlif ölkələrin nümayəndələri ilə faydalı əlaqələr quruldu, gələcək əməkdaşlıqlar üçün ilkin ünsiyyət yaradıldı və sənayenin inkişaf tendensiyaları ilə bağlı dəyərli məlumatlar əldə olundu.

Makromed MMC olaraq, fəaliyyət göstərdiyimiz sahədə daim yeniliklərə açıq olmaqla, beynəlxalq təcrübəni Azərbaycanda tətbiq etməyi və tərəfdaşlarımıza daha keyfiyyətli xidmətləri təqdim etməyi hədəfləyirik