İdxalçı şirkətlərə “Dərman Vasitələrinin Təqib və İzləmə Sistemi”nin istifadəsinə dair ətraflı məlumat verilib

Səhiyyə Nazirliyi Analitik Ekspertiza Mərkəzinin Dərman vasitələrinin təqib və izləmə şöbəsinin əməkdaşları tərəfindən, “Dərman Vasitələrinin Təqib və İzləmə Sistemi”ndə iştirak edən hər bir istifadəçi kateqoriyasına bu sistem haqqında ətraflı məlumat verilməsi məqsədilə, idxalçı şirkətlərin nümayəndələrinə də təlim təşkil olunub. Günün həm birinci, həm də ikinci yarısında baş tutan təlimdə 55 şirkətdən 70-ə yaxın nümayəndə iştirak edib.

Qeyd edək ki, Mərkəzin rəsmi veb səhifəsi, sosial hesabları, həmçinin əyani olaraq təşkil edilən təlimlər vasitəsilə, mütəmadi olaraq, “Dərman Vasitələrinin Təqib və İzləmə Sistemi”nin istifadəsi haqqında maarifləndirici məlumatlar paylaşılır.